A neve non puido connosco. O pasado 24 de xaneiro, en Lalín, demostramos que a Asociación está moi viva.
Dende a xunta directiva queremos agradecer a asistencia dos máis de sesenta socios que, a pesar das condicións climatolóxicas tan complicadas, decidistes acompañarnos.
Foi un gusto escoitarvos. As vosas intervencións son as que de verdade lle dan sentido ao traballo que facemos aquí.
Non imos negar que o tempo que pasou dende a última asemblea foi un verdadeiro reto para nós, pero ver a sala así, con tanta xente comprometida, é o mellor incentivo para seguir adiante.
Quedamos co magnífico ambiente que se respiraba e, sobre todo, coa mensaxe que compartimos e que o noso presidente reafirma nesta foto: o que nos une como produtores é moito máis importante que calquera diferenza entre nós, porque todos afrontamos os mesmos problemas e buscamos o mesmo futuro.
