A Asociación Galega das Castañas e dos Soutos vén de iniciar unha rolda de reunións cos catro grupos políticos con representación no Parlamento de Galicia. O pasado xoves mantivemos o primeiro destes encontros cos representantes do BNG nas propias instalacións da cámara galega.
O propósito desta iniciativa é acadar un consenso institucional firme que apoie a necesaria reclasificación da castaña. Explicamos detalladamente a situación que atravesa o sector e as posibles vías de solución, deixando claro que se trata dunha cuestión que repercute directamente na actividade dos nosos produtores e tamén nos consumidores finais.
No transcurso da reunión, fixemos especial fincapé en que se trata dunha estratexia conxunta luso-galega. Esta alianza ibérica é un factor determinante á hora de trasladar e impulsar a nosa proposta con máis facilidade ante as institucións da Unión Europea.
A pesar de coincidir a nosa solicitude cos días de celebración do debate do estado da autonomía, logramos axilizar o inicio destes contactos de forma moi rápida. A nosa intención é manter este ton de consenso con todas as forzas políticas, e nos vindeiros días xa temos prevista unha nova xuntanza con outro dos grupos parlamentarios.
Podedes consultar e ler todos os detalles da nosa iniciativa técnica na seguinte ligazón: [A castaña non é un froito seco – Asociación Galega das Castañas e dos Soutos].
