Onte, 19 de agosto, o secretario da Asociación Galega das Castañas e dos Soutos e o presidente da Asociación promotora da resinación nos montes de Galicia (PROMORESINA) mantiveron dúas reunións de traballo na sede de XERA. Os encontros desenvolvéronse con Abelardo Nimo, da Área de Innovación Forestal, e con Isabel Puentes, da Área de Promoción e Calidade Forestal.
O motivo principal destas sesións foi analizar a fondo as liñas de axudas anuais que convoca a axencia. Resulta vital que as inquedanzas e necesidades reais de quen traballamos os Produtos Forestais non Maderables (PFNM) cheguen de forma directa aos responsables da Administración. O noso labor conxunto é o que dota de sentido á procura da multifuncionalidade dos bosques galegos.
Dende ambas asociacións queremos deixar constancia do noso agradecemento pola boa disposición mostrada onte. Houbo unha sintonía moi positiva á hora de atender as nosas consultas e tomar nota das suxestións do sector. Temos a firme convicción de que este clima de colaboración constante repercutirá a curto prazo en melloras significativas para os produtores de castañas e os resineiros.
